曾經聽過有人坐月食雞食足一百日，聽到都真係覺得好誇張，但係到自己坐月既時候，都覺得應該要補一下。
可惜坐月時間，又有禽流感，又話d雞打針，就連本地既嘉美雞都唔例外，所以冇成日買雞，坐月時應該只有十日八日有食雞或雞汁。
之後諗不如飲滴雞精代替啦，見有團購優惠就買左，點知貨到既時候已過一百日，都冇辦法啦，遲補好過唔補既。
呢隻滴雞精我見好多媽媽推介，所以就試下啦。我訂既係原味升級版（提升免疫，鎮定安神）味道我覺得一般，新鮮燉雞汁會好飲d。
不過一定比新鮮雞汁經濟，諗起之前二三百蚊整一次燉雞汁都有d肉赤😂
仲有滴雞精真係好方便既，加熱就飲得。（一定要放冷箱，因為冇防腐劑）
空肚飲會比較好，所以我個三文治早餐要等飲完15分鐘後先可以食。
我會隔日先至再飲第二次，因為已經過左坐月100日，怕自己虛不受補，流鼻血就麻煩喇😂
原來唔係淨係坐月先適宜飲滴雞精，大部分人都可以飲架，而且佢有唔同款式迎合唔同人嘅需要，下次試下杜仲補下腰骨先
#田原香 #滴雞精 #坐月
Search